ഉയർന്ന ക്രെഡിറ്റ് സ്കോർ നേടുന്നതിനുള്ള നിർദ്ദേശങ്ങൾ How to Boost Your Credit Score Fast

 

വയനാട് മേപ്പാടിയിൽ നിന്നും 14 കിലോമീറ്റർ അകലെയാണ് ചൂരൽമല.മലനിരകൾക്കിടയിലൂടെ തുള്ളിക്കുതിച്ച്‌ ഒഴുകിവരുന്ന പുഴ. നിറഞ്ഞു നിൽക്കുന്ന കരിമ്പാറകൾ. അവയിൽ തട്ടിയും തടഞ്ഞും പതഞ്ഞും ഒഴുകിയെത്തുന്ന തെളിനീർ. കോടമഞ്ഞും തണുപ്പും ഒപ്പം നിൽക്കുന്ന ഗ്രാമവഴികൾ. മലകളുടെ കൂട്ടുകാരിയായി നിൽക്കുന്ന തനി വയനാടൻ ഗ്രാമമാണ്‌ ചൂരൽമല. മേപ്പാടിയിൽ നിന്നു പ്രകൃതിഭംഗി നിറഞ്ഞ നിറഞ്ഞ 14  km ദൂരം വളഞ്ഞു പുളഞ്ഞ വഴികളിലൂടെ കയറി വന്നാൽ ചൂരൽമലയിൽ എത്താം.

ചൂരൽമല ടൗണിൽ നിന്നും രണ്ടു കിലോമീറ്റർ ദൂരമാണ് ചൂരൽമല വ്യൂ പോയിന്റിലേക്കുള്ളത്.മലമുകളിലേക്കുള്ള യാത്രയ്ക്കായി തിരഞ്ഞെടുക്കുന്നത് ജീപ്പ് യാത്രയാണെങ്കിൽ പശ്ചിമഘട്ടത്തിന്റെ 360 ഡിഗ്രി കാഴ്ചകൾ കാണാം.അരുവികളും തോടുകളും ചേർന്നുള്ള വാലികൾ കാണാം.ഉയരങ്ങളിൽ നിന്നും വെള്ളിനൂൽ പോലെ പതിക്കുന്ന വെള്ളച്ചാട്ടങ്ങൾ..

വഴി നീളെ തേയില നിറഞ്ഞ കുന്നുകൾ, പുൽമേടുകൾ, താഴ്‌വരകൾ. കുഞ്ഞു ഗ്രാമങ്ങൾ. അവയുടെ ഭംഗി ആസ്വദിച്ച്‌ വന്നെത്തുന്ന കുഞ്ഞുകവലയിൽ നിന്നു വഴികൾ തിരിഞ്ഞു പോകുന്നുണ്ട്‌. ഓരോ വഴിയും സുന്ദരമായ കാഴ്ചകളുടെ ലോകത്തേക്കാണ്‌ നീളുന്നത്‌. വളഞ്ഞു നീങ്ങുന്ന വഴികളിൽ ഒപ്പം കൂടിയ പുഴയെ കാണാം. തെളിഞ്ഞ നീരൊഴുക്കുമായി തണുപ്പ്‌ നിറച്ചൊഴുകുന്ന പുഴ.

വയനാട് യാത്രയിൽ ആളും ബഹളവുമില്ലാതെ കുടുംബത്തിനൊപ്പം ആസ്വദിച്ചു കുളിക്കാനും ചിത്രങ്ങൾ എടുക്കാനും കഴിയുന്ന തരത്തിൽ പ്രകൃതി തന്നെയാണ് ഈ ചെറു ജലസഞ്ചയം കാടിന്റെ ഒത്തനടുവിലായി  ഒരുക്കിയിരിക്കുന്നത്.വെള്ളച്ചാട്ടങ്ങളിലേക്ക്‌ ഒഴുകി നീങ്ങുന്ന നീങ്ങുന്ന പുഴയാണ്‌ ചൂരൽമലയിലേത്‌. അതിനൊപ്പംതന്നെ കാണാം നിരയൊപ്പിച്ച്‌ നിൽക്കുന്ന തേയിലത്തോട്ടങ്ങൾ നിറഞ്ഞ എസ്റ്റേറ്റ്‌ കുന്നുകൾ. അവയുടെ ഇടയിൽ തേയില നുള്ളുന്ന തൊഴിലാളികൾ. 

തേയിലത്തോട്ടങ്ങൾക്കപ്പുറം തലയുയർത്തി നിൽക്കുന്ന മലനിരകളിൽ നിറയെ ഇടതൂർന്ന കാടുകൾ കാണാം. ആ മലകളിൽ നിന്നു പൊട്ടിയൊലിച്ച്‌ ഇറങ്ങുന്ന പല അരുവികൾ പുഴയിലേക്ക്‌ വന്നെത്തുന്നു. മലകളിൽനിന്ന് കാറ്റിനൊപ്പം എന്ന പോലെ പാറിയിറങ്ങി വരുന്ന കോടമഞ്ഞും ചേരുമ്പോൾ ചൂരൽമല പകരുന്ന അനുഭൂതി മാസ്മരിക അനുപാതങ്ങളിലേക്ക്‌ മാറുന്നു.

കാര്യമായ അപകട സാധ്യതകൾ ഈ വെള്ളച്ചാട്ടത്തിനില്ല.മഴക്കാലമായാൽ,വേനൽമഴയോടു ചേർന്നും പുഴയിൽ പെട്ടെന്നുള്ള വെള്ളപൊക്കം ഉണ്ടാകാം.Chembra ഇൽ നിന്ന് 10 km ഉം കൽപ്പറ്റയിൽ നിന്ന് 14 km ഉം ആണ് ദൂരം. 20 അടി പൊക്കത്തിൽ നിന്നാണ് ചാട്ടം, വെള്ളം ചാടുന്നിടം ഒരു നാച്ചുറൽ പൂള് ആണ്, അത്യാവശ്യം ആഴം ഉള്ളൊരു കുഴി നീന്തൽ അറിയാവുന്നവർക് ധൈര്യമായിട് ഇറങ്ങാം.

ആകെയുള്ള 14 കിലോമീറ്റർ ദൂരത്തിൽ 4 കിലോമീറ്ററോളം ഓഫ്‌റോഡ് യാത്രയാണ്.ബാക്കി വഴികൾ മുഴുവൻ തേയിലത്തോട്ടങ്ങൾക്ക് നടുവിലൂടെ മലനിരകളിലൂടെയുള്ള യാത്രയാണ്.

ചൂരൽമലയിലേക്കുള്ള വഴിമധ്യേ പുത്തുമല ഉരുള്പൊട്ടലിന്റെ ദൃശ്യങ്ങൾ കാണുവാൻ കഴിയും.കുടുംബസമേതം വയനാട്ടിലേക്കെത്തുന്നവർക്ക് തീർച്ചയായും സന്തോഷത്തോടെ ആസ്വദിക്കാൻ കഴിയുന്ന സ്ഥലമാണ് ചൂരൽമല.

Write a travelling experience in Wayanad