സാഹസിക പ്രിയരായ സഞ്ചാരികൾക്ക് കാഴ്ചയുടെയും ജലത്തിന്റെയും വസന്തമൊരുക്കി കാത്തിരിക്കുകയാണ് പത്തനംതിട്ട ജില്ലയിലെ അരുവിക്കുഴി വെള്ളച്ചാട്ടം.കോഴഞ്ചേരിയിൽ നിന്നും ഏകദേശം 6 കിലോമീറ്റർ ദൂരെയാണ് അരുവിക്കുഴി വെള്ളച്ചാട്ടം.
കോട്ടയം ജില്ലയിലും ഒരു അരുവിക്കുഴി വെള്ളച്ചാട്ടം ഉണ്ട്.ഗൂഗിളിൽ തപ്പുമ്പോൾ ഒന്ന് ശ്രദ്ധിക്കണം.
സാഹസികത അല്പം കൂടിയവർക്ക് വരാൻ പറ്റിയ കിടിലൻ സ്ഥലം തന്നെയാണ് അരുവിക്കുഴി വെള്ളച്ചാട്ടം.കുട്ടികൾക്കും പ്രായമുള്ളവർക്കും ഈ കുഴിയിലേക്ക് ഇറങ്ങാൻ ചെറിയ ബുദ്ധിമുട്ടുണ്ട്.അത് കൊണ്ട് തന്നെ അവർ വന്നാലും ഈ വെള്ളച്ചാട്ടത്തിന്റെ ഭംഗി ആസ്വദിച്ചു കരയ്ക്ക് ഇരിക്കേണ്ടി വരും.പിന്നെ മഴക്കാലത്തു വളരെ ശ്രദ്ധയോടെ വേണം ഇവിടെ ഇറങ്ങുവാൻ.പാറക്കെട്ടുകൾ തെന്നി തെറിച്ചു ആയിരിക്കും കിടക്കുന്നത്.
അധികമാരും അറിയാതെ കിടക്കുന്ന ഈ വെള്ളച്ചാട്ടം അതിന്റെ തനിമയോടെ തന്നെ സഞ്ചാരികളെയും കാത്തു ഇരിക്കുന്നു.മഴക്കാലങ്ങളിൽ ഈ വെള്ളച്ചാട്ടം നന്നായി ശക്തി പ്രാപിക്കും.100 അടിയോളം ഉയരത്തിൽ നിന്നും പതിക്കുന്ന ഈ വെള്ളച്ചാട്ടത്തിന്റെ നല്ലൊരു കാഴ്ച റോഡിൽ നിന്ന് തന്നെ ലഭിക്കും.
